「讀緊書嗰陣唔俾拍拖，大學畢業就最好有對象快啲結婚。」相信呢啲經歷係唔少莘莘學子嘅寫照。
眼見其他同學讀緊高中嗰陣，已經開始同異性約會；自己亦都唔係冇人約過， 只不過因為家教好嚴唔敢嘗試。
著校服拖住手一齊食早餐再返學，放學一齊行街食嘢，呢啲珍貴回憶只可以係讀緊書嘅時候體會到，到你大個搵幾多錢、得到幾多成就都補償唔到。
埋頭苦幹讀書順利入到大學，大學咁多人應該係拍拖嘅最好時機啦掛？可惜你錯過咗讀書時期學習同異性互動與大好機會，所以就算有咁多迎新活動，你面對異性時表現缺乏自信同緊張，表現被動令人卻步。
同學聚會終於有人拍拖有人失戀，佢哋呼天搶地表達悲傷，但對於戀愛缺乏經驗嘅你完全投入唔到，只可以好表面咁樣安慰。
大學畢業之後，你發現更加難認識對象；身邊同事大多數都係結咗婚嘅中年人士，或者有穩定嘅伴侶。同年齡嘅朋友一個有一個結婚拍拖；家中嘅長輩開始催促你；
但佢哋唔會諗到當初叫你專注學業唔准拍拖，到你一畢業就希望突然有一個好好嘅對象出現同你結婚。
經營一段感情係需要經歷過無數次失敗，通過反省同埋改變先至可以修成正果，好難會一次就成功。於是就嚟30歲嘅你仍然係一名A0戀愛初歌，需要不停探索呢個世界。 .
.
「沒有失戀怎去盡情放肆失控
曾被愛過 才明淚太過有功用
慘不過 連悲傷也不太懂
感情兩字有幾重
大概就像天空 那樣重」
歌曲：慘得過我
歌手：關心妍
作詞：林夕
作曲：方樹樑
#林夕 #慘得過我 #關心妍 #關家姐 #A0 #單身 #母胎單身
#hkmusic #cantopop #cantonese #廣東歌 #廣東話 #hkword #hkpop #放生 #你有心 #如何離開你 #終點 #負擔不起 #無罪釋放 #失戀哲理 #失戀 #我太強 #優先訂座 #特別鳴謝 #送舊迎新 #以身試愛 #甚麼都不愛 #仍然
Search